時新漢堡飽 (Closed)

細細個成日都會去時新，屋企人食粉麵，但我一定揀漢堡，嗰時總覺得時新漢堡至係正宗🙈大個之後就食少咗，佢搬咗後第一次食，欣喜既係水準依舊，特別係時新醬，依然係回憶既味道。想一次過食豬肉同牛肉兩種味，但本身冇得叫鴛鴦漢堡，收銀姨姨叫我地點哂2個，然後自己換🤣最後我地都咁做咗無論係豬肉定牛肉漢堡，肉質都好新鮮，同埋漢堡扒兩面都煎得焦脆，而雞蛋裏面仲有少少流心，配時新醬依然係最好食🤤雞肶係即叫即炸，雞皮炸得脆卜卜，上嚟既時候仲好熱辣辣。食落啖啖肉，肉質厚身不嚡口。滷水雞翼入味得嚟肉質都頗為嫩滑👍吉列魚扒金黃香脆，味道偏鹹，點時新醬一齊食。