黑樺牛 (Closed)

話說經過見到佢做緊午餐優惠，只需要讚好佢嘅社交平台，就可以用68蚊食任何一個套餐，我哋叫咗a5和牛套餐,同埋豬梅肉配牛五花套餐和牛切得好薄,但係都有四塊,而且係油脂極度豐富,真正係入口即溶,估唔到68蚊佢竟然都係畀返呢個質數嘅和牛,係有少少驚喜嘅另外豬梅肉同埋牛五花就真係好一般啦肉質都係軟熟嘅，但係就冇咩肉味另外套餐可以叫一個小食，有啲蔬菜做配菜，同埋可以揀一款主食，而且配埋飲品，正價就唔算特別吸引，但係呢個68蚊嘅優惠價就真係覺得超級抵食