COCO

Open Now

Now Closed

Staycation最吸引我既地方就係可以試下唔同酒店既餐廳 今次book左The Mira 包左Coco既下午茶 可以試下佢地既出品😆😆可能較多人既關係 職員安排左我地坐Yamn既區域 我地希望坐下中間半圓梳化位置 職員都立即安排 感覺有較高私隱度 而且座位亦較舒適👍🏻職員會提供餐牌 等食客知道下午茶涵蓋既食物及飲品 order左熱Mocha同凍咖啡後 職員就先送上青檸雪芭 味道酸酸甜甜 十分開胃🍸先由最上層講起 黑松露提子scone 雖然有有好多提子乾 但黑松露味道唔突出 鬆餅十分紮實 無牛油香 食左一個已經好飽同好口乾 搽jam同clotted cream幫助亦唔大🤦🏻‍♀️中間嗰層係放甜點既有兩樣栗子甜品 分別係cupcake 同慕斯蛋白餅 兩樣都係有假假既栗子藥水味 蛋糕同蛋白餅起甜🥵另有芒果忌廉泡芙 泡芙上既曲奇皮保持到脆身 入面既忌廉奶味重 加上新鮮芒果茸 唔錯🥭之後仲有靚靚既黑加侖子啫喱拿破倫 可惜只得外貌 入面既酥皮焗過左火 苦味完全充斥著整個甜品😲另外鹹點方面 稱得上出色的有鮑魚撻及黑松露帶子酥 兩樣既海鮮食材處理得剛好 調味唔會搶過鮮味 而酥皮部分做得唔錯☺️☺️☺️黑松