黑木 (Closed)

今晚同男朋友食飯，好想食日本菜，又唔想食壽司刺身。男朋友上網搵到一間串燒omakase，平時壽司omakase就食得多，串燒都係第一次咋。我地入到餐廳，男朋友又想散叫，可以自己叫自己想食，我地叫左幾款試下！串燒水準非常高質素，兩人賣單$1000好抵食呀！我地叫左安格斯牛排、燒銀鱈魚、燒雞腎、雞軟骨、雞翼、廣島蠔、雞肉棒、牛舌等等。串燒全部即叫即燒，男朋友最欣賞雞肉棒，沾上溫泉蛋漿，味道極濃郁極香口！銀鱈魚和牛排質素極高，味道令人驚喜！魚肉香嫩滑溜，牛肉軟腍充滿肉香！芝士年糕入口糯香重，充滿芝士香味！每款串燒都是高水準，男朋友決定下次帶埋屋企人再黎食過！