森戶 (官塘立成大廈) (Closed)

裕民坊附近，俾人感覺有唔少好嘢食，特別係一種平民美食個種今日晏晝經過牛頭角呢邊，見到屹立咗一間新開嘅壽司舖，所以午餐就嚟試一試 叫lunch set會送沙律同埋味噌湯，感覺都係普通壽司店 我叫咗自選壽司12件，每一件都係可以自己點嘅分別有：油甘魚，吞拿魚，三文魚，池魚，火炙系列~火炙金線鯛，火炙左口魚邊，熟蝦，芝士蟹籽，芥末章魚同埋蔥拖羅蓉等等...... 火炙嘅壽司油份好重金線鯛吃落除咗平時食刺身嘅鮮味之外，加添一份油香左口魚油脂豐富，燒到表面焦香，入口即溶 有蘿蔔蓉嘅魚肉肉質較為爽滑，油甘魚食落就比較淋身，唔腥深海池魚就有啲薑同蔥一齊食，味道好夾 如果唔想自己逐個逐件逐件點，都可以揀配搭好嘅壽司拼盤同自選12件壽司價錢一樣，但係就有一啲款式唔同，包括有：甜蝦，帆立貝，三文魚子等等......三文魚好靚，三文魚籽粒粒飽滿新鮮 熟蝦差唔多係我成隻食指咁長，好有肉地佢午市都幾抵食，外賣都有得折基本上依家都幾多呢款壽司店，即叫即整，師傅握壽司嘅功力強，而且食落新鮮，啱哂講求速度嘅香港人不過美中不足嘅係，店內提供嘅綠茶有股騷味，希望店家可以改善下