臨記車仔麵 (Closed)

肚餓食碗車仔麵，最正係全部自選，正所謂有得揀，先至係老闆。餸料款式勁多，可以有排揀。如果心大心細揀唔到或覺得麻煩，仲有已組合可以揀。我梗係鐘意自己揀啦，想食乜就嗌乜。一碗有豬皮、牛根、菜心、咖喱魷魚，要番茄湯底配米線。蕃茄湯底酸酸甜甜好開胃。另一碗就要生菜、蠔油冬菇、蘿蔔、咖喱魚蛋、牛舌，要米粉配傳統湯。傳統湯都夠濃味～ 當然嗌咁多唔同款，梗係要交換食，開心share啦。豬皮好爽滑，冇豬毛好乾淨。牛筋大大舊，但炆到超腍超軟滑，而且好入味。菜心尚好。咖喱魷魚亦好有咖喱味。生菜好爽脆。蠔油冬菇好香冬菇味又有蠔油味😋。蘿蔔大件又甜又腍。咖喱魚蛋有咖喱味。牛舌切到好薄好薄，真係好刀工，食落有好濃郁嘅牛味。米粉份量好多，食極都有，食極都食唔完咁， magic 🎩😂另外仲嗌左小食，小碗豬腸豬紅韭菜，但份量好多絕對唔少。仲要埋油炸鬼雞翼，嚟個真係必食啦，睇落似炸生蠔，食落係超級鬆脆鹽味雞翼 😋😋😋環境舒服又光鮮