LOG-ON Café (Closed)

今日自己一個人食晏, 於是一朝早就上Open Rice睇吓太古城有啲乜嘢食, 見到有間Log-On Café, 於是打算去試下啦。餐廳有d開揚, 座位都算多, 所以唔難搵位。我搵左個高嘅長枱位坐, 貪佢夠自閉而且唔會有陌生人坐喺你對面睇住你食野 。我買咗個海膽帶子墨魚汁麵配豆奶, 另外再加左個廣島炸蠔。首先講下個麵, 海膽同墨魚汁麵好夾, 反而嗰粒車厘茄有d酸, 同個麵唔夾, 可以唔食。帶子有d overcook, 咬落去已經知道。伴碟有個蒜蓉包, 老實講, 好睇唔好食, 一d都唔脆而且凍嘅 !! 所以我咬左一啖就冇再食。廣島炸蠔應該係全場最好食同最抵食嘅, 只需要加18蚊就有, 真係好超值!! 飲品方面, 我要咗杯豆奶, 豆味濃, 係唔飲咖啡嘅朋友另一選擇。