8鍋臭臭鍋 (葵芳匯)

Open Now

Now Closed

🔸8鍋臭臭鍋🔸🔆🦁見到葵芳開左臭臭鍋已經講左幾次想去試，點知🐭一直以為係講緊另一間湊湊，點知原來係真係臭個臭😂 好啦~去試下有幾臭啦~🔆招牌臭臭鍋 $88+$16(100g肥牛)🐭係一個麻甩女仔，最中意食臭嘢，依啲粗重野交比我。個鍋上到黎睇得出有啲油浮係面，賣相就麻麻地。湯底食得出有啲沙茶味，而且好濃稠，聞落就無咩臭味。鍋入面有臭豆腐、豬大腸、娃娃菜、香菇貢丸、米血糕、鴨血、沙白、鵪鶉蛋、蕃茄和榨菜絲。配料同個湯底都幾夾，我哋揀左粉絲做主食，索哂啲汁，好入味。特別想講下個臭豆腐，睇佢個樣白雪雪平平無奇，差啲低估左佢，點知一食入口！真係好臭，但係好食個種臭😂！佢係無炸過嘅，有小小似街邊臭豆腐但搣左層炸皮，口感再滑啲，好好食。但🦁咬左一啖就皺哂眉頭話好臭，真係笑死我。而加咗$16嘅肥牛就普通肥牛啦，不過勝在佢份量夠多。🔆香蒜濃湯鍋 $88個香蒜鍋一上到嚟，真係聞到勁蒜，不過個貌相都係麻麻架啦。鍋入面有娃娃菜、三星蔥貢丸、甜不辣、牛丸、老油條、金菇、炸支竹、沙白等，因為佢個湯底都真係好濃，配料都索哂個湯，所以基本上都唔係好食到配料嘅原味架啦。不過整體食落都好惹味，不停keep住食食食。依個鍋