8鍋臭臭鍋 (金巴利道) (Closed)

今晚收工後，同朋友去左尖沙咀食飯。佢知我鐘意食臭豆腐，所以帶我去一間叫8鍋臭臭鍋既餐廳。一人鍋平時食得多，但8鍋有別於平時係街食到既，佢以台式為主而客人都十分多我同朋友當然就叫左招牌臭臭鍋同臺式麻辣鍋。當鍋黎時，見到店家都好有誠意。因為未試已經見到材料充足。一鍋有十幾樣餸。例如，娃娃菜，豆腐，豬肉，貢丸，米血糕，粉絲等等。完全滿足到香港人鐘意每樣都試下既心理。如果想食多d，仲可以另外再追加配料同有醬汁自由配合唔同人口味。到食物質素方面，我叫既臭臭鍋的確出色！一試湯底，一股臭味在口腔飄逸著，濃厚的味道令人覺得臭得出色。平時食炸臭豆腐時鐘意佢既臭。估晤到，變左做火鍋一樣甘好味，甚至於更特別。捨棄左炸既脆皮，變左湯煮方式反而令臭味更突出，臭豆腐咬落口感一流，臭味就好似濃縮左甘一下子爆發出來。頓時感覺到人間美味。豆腐獨有既豆香更令人欲罷不能！而火鍋方式既臭豆腐湯底更突出左食物既鮮味。店家本身用料都新鮮。但估唔到，臭味可以同其他食物一樣甘夾！尤其同蔬菜類融為一體。不得不佩服呢種配搭，淨係湯底配白飯都夠我食好幾碗。第一次遇到臭得出色既一人鍋！店家另外仲有一系列既台式飲品同小食。可惜肚仔有限，試唔到