8鍋臭臭鍋 (金巴利道) (Closed)

踏入12月天氣寒冷，又係打邊爐的時候，相約友人到尖沙咀食飯，友人推介台式火鍋-8鍋臭臭鍋，來自台灣的臭臭鍋，有臭豆腐的火鍋，一字記之曰:臭，名副其實是臭名遠播，雖則臭臭鍋來到香港都好幾年，但都係今次先有機會食呀。 平日7點多時段已好多人。 餐牌有教點做個混醬，沙茶醬/豆瓣醬3匙+豉油2匙+蒜蓉1匙。 餐牌，除了臭臭鍋，仲有其他口味的火鍋，各有特色呀。 珍珠奶茶，$33，既然食台式火鍋，一於叫杯珍奶應下景，茶味比較濃，珍珠煙韌，幾好飲呀。 招牌臭臭鍋，$112。 一人火鍋，食得好方便，感覺衛生，上菜時已煮熟，可即食，材料有娃娃菜、白豚肉、臭豆腐、台灣貢丸、米血糕、大腸、豬血、沙白、鵪鶉蛋、苗蕃茄、榨菜絲、韮菜、金針菇、嗚門卷、炸枝竹及粉絲，好豐富呀。 臭豆腐味唔算好濃烈，味道比較輕，豆腐軟滑，米血糕，第一次食，好奇咩來，食落口感煙韌，幾特別，大腸幾好味呀。 可配飯或粉絲，要了粉絲。 食過臭臭鍋，了解臭的奧義，味道幾好呀。 尖沙咀金巴利道77號號地鋪 食個飯後去行下看燈飾呀。