湯•米 (Closed)

老友 “大舊” 係 “將南” 嘅地頭蟲, 呢期發掘咗幾間優質餐廳, 包括潮州菜同埋台式串燒, 今晚又強力推介 “湯米”, 台式一人火鍋.🤗 咩玩法呢? 基本上一人一鍋, 預設食材一早放哂落去, 唔追加配料嘅可以點其他台灣小食. 今日點咗 招牌臭臭鍋, 沙嗲牛肉鍋, 麻辣臭豆腐, 鹽酥雞扒, 兩杯奶蓋: 芝士茶王8號, 芝士凍頂烏龍.🥢 餐廳裝修簡單, 比茶餐廳高半級, 以方枱為主. 呢到提供簡單調味格, 冇辣椒, 有生蒜, 配醬油, 最啱點牛肉食.🥰 招牌臭臭鍋. 聽講係沙嗲湯底, 加臭豆腐味道. 牛肉份量充足, 十片八片, 豬大腸神級配合臭味, 仲有臭豆腐, 腸仔, 貢丸等, 非常滿足.📖 翻查資料: 臭臭鍋起源於台灣, “三媽臭臭鍋” 創辦人幾年前逛夜市, 睇到攤販賣清蒸臭豆腐, 生意唔錯, 激發他以火鍋烹煮嘅靈感, “臭豆腐” 加上 “大腸” 嘅 “臭香”, 臭上加臭, 就成了臭臭鍋.🐂 沙嗲牛肉鍋. 火鍋配料同臭臭鍋差唔多, “大舊” 覺得味道冇臭臭鍋咁濃.🧀 麻辣臭豆腐. 豆腐夠臭, 絕配麻辣味, 掂!🐥 鹽酥雞扒. 極速上菜, 以為中伏 😂. 結果, 雞皮酥脆, 雞肉嫩滑