潮福蒸氣石鍋 (Closed)

天氣凍最好打邊爐又來我最愛嘅潮福打邊爐。兩個人喺屋企打邊爐食嘅種類買唔到太多，每樣又唔可以買少少，所以兩個人最好就係出街打邊爐。仲要呢度可以任飲任食，仲送你三個定食，真係超級抵食。今次揀咗澳門豬骨鍋，湯底入邊已經有粟米蘿蔔，個鍋到咗可以即刻食啲粟米添！呢度仲做緊推廣有一蚊鍋，好抵呀。海鮮拼盤啲海鮮好新鮮。乳鴿上到枱亦都好香，最緊要係夠熱！所以，以咁嘅價錢食到咁新鮮咁熱辣辣嘅食物，真係超級抵。呢個亦係我多年來都幫襯佢嘅原因！