芽莊越式料理

Open Now

Now Closed

認識芽莊係好多年前在芽莊中環分店, 朋友帶我食蕃茄蟹檬, 一試便愛上了咁多年, 芽莊既蕃茄蟹檬暫時係我喺香港食過最好味。 今次約咗幾個朋友在葵芳新都會廣場, 見好耐都冇食過芽莊了, 又掛住蟹檬喇💕🔸河內雞絲粉🔸湯底好夠鮮味, 如果再多啲雞絲就好喇。🔸炸蓮藕魚肉夾🔸本身蓮藕同魚肉係超夾, 蓮藕既爽口加上魚肉係無得輸👍🏻🔸香煎墨魚餅🔸夠香口, 裡面仲有好多墨魚肉好有咬口。🔸香茅牛肉串燒🔸肉質唔韌, 味道啱啱好, 熱辣辣鐵板上, 仲有埋花生沙嗲醬。🔸芽莊炒飯🔸有點似揚州炒飯, 裡面仲有類似台式既香腸, 好味道。🔸河内蕃茄蟹肉湯檬🔸我既至愛, 超濃嘅蕃茄湯, 連番茄都好淋同好入味好甜, 仲有蟹肉蟹丸魚蛋等, 係一碗好豐富又好好味嘅湯檬。 雖然都好味, 其實我都有食過幾間分店嘅番茄蟹肉湯檬, 我就覺得都係幾年前喺中環分店嘅好味啲, 希望其他分店都可以保持水準啦~🔸牛油果卷🔸好清新, 食下煎炸野, 再食呢個牛油果卷中和返都幾好。🔸芥蘭苗🔸菜苗上有大量蒜片蝦米配料, 加埋一齊食好味。另外, 大概店員比較忙, 無乜耐性解答客人問題, 點餐時有少少不耐煩。