茶茶Go

Open Now

Now Closed

星期日出旺角行街買野，今日天氣都比較熱，行到又渴又攰，即刻記起上次試過嘅「茶茶GO」十分正，而且就係附近，唔使諗即刻去買番杯茶飲先。首選阿仔推薦必試《泰式奶凍沙冰》（$34），奶凍香滑，一試難忘。難怪係至Top銷售榜之一。上次嚟所有盒子蛋糕都售罄，今次終於試到經典嘅盒子蛋糕啦。《紫菜肉鬆小方》，本人十分鍾意，原來紫菜肉鬆同蛋糕可以咁夾，肉鬆香蛋糕軟而且不太甜好味道啊。《豆乳盒子》（$38），味道似cheese cake ，面層似乳酸，入口微酸，層次豐富又有啲特別。另外整多杯《冬瓜茶》，據說冬瓜茶有不少巧效，可以清熱利水、解暑熱、減肥等，啱曬我。佢哋除了即叫自取，使有送貨服務，及可預約自取，最近出咗新餐牌，有興趣可以Scan QR Code 睇吓。