林昌記 (Closed)

講到最愛魚蛋之一，點都要提到林昌記，飯前飯後都一定食得落。每次經過忍唔住要督番幾粒。魚蛋分為原味、香辣、咖喱、金蛋 (炸)，仲有海鮮燒賣、牛丸都係正正子，尤其是牛骨湯我都飲埋。  咖喱魚蛋 $16/20粒廿蚊有咁多粒，都算幾抵食喇。魚蛋係潮洲白魚蛋，點邊款味道其實都一樣。點香辣就自行加辣椒油，點咖喱就加啲咖喱汁咁解。魚蛋一如以往十分彈牙，有種香脆感，真材實料，有種魚味咖喱相對普通，因為我鐘意食辣，個人認為冇乜特別。