星林居雲南米線餐廳 (Closed)

星林居係我好幾年前踏出社會，同事推介食既店。如果你都鍾意食辣，又係尖沙咀出現就一定要食佢喇！事關佢既湯底好有層次，唔係淨係得個辣字，食完都仲感覺到麻。加上有肉碎調味，就算只叫蔬菜都好夠味。而且就算你係多多要求都好，唔洗怕面懞懞，因為可以係點菜單度圈哂你既要求，唔怕店員黑面。我點左金針菇同紫菜，中辣，吸盡湯底既精華，正呀，識食一定要咁食， 而且價錢仲好實惠。係大集團當道既香港，好值得保留呢d小食店。 不過提提大家，佢既燙菜係真的用熱水燙，另外一個碗仔上，比較清淡，鍾意重口味既就唔好揀喇。