大門橫丁串燒手打烏龍麵店 (山東街)

Open Now

Now Closed

以前成日食佢嘅蕃茄湯烏冬，真係超耐冇食過，今日經過尖沙咀過嚟幫襯下。星期六估唔到有lunch set, 價錢仲幾抵食，一嚟到即刻叫個蕃茄雞柳手打烏冬，$52仲有嘢飲送。烏冬用鐵鍋上超級熱辣辣，最鍾意佢啲烏冬煙煙韌韌，但又唔會太韌，索晒蕃茄湯嘅味道，個湯飲飲下都清晒。蕃茄湯味道濃郁，除咗番茄仲有粟米同埋爽口嘅甜豆做配菜。雞柳份量都幾多，有成6,7 舊，不過烏冬就唔係好多。加$10 要左個溏心蛋，好凍下，放落湯浸番軟都唔錯。餐飲桂花蜜就太甜，要加多d 水先得。