新駿皇窩心小棧

Open Now

Now Closed

幫襯呢間街坊麵店已經好幾年了，由佢喺對面細舖食到而家搬到大舖，麵店侍應姐姐話，係因為對面舊舖啲渠整極都整唔好，所以就搬過嚟呢邊繼續經營。呢間麵店嘅豬膶枸杞米線，好多元朗人都識。但係我最鍾意嘅，反而係佢哋嘅鮮茄雲耳豬潤瘦肉米線湯底鮮味，豬膶又爽口，我最怕食啲淥到又乾又硬嘅豬膶。$39一碗足料米線，加$3就有冷熱飲品，呢個街坊價算係好抵！順帶一提，我哋唔小心倒瀉飲品，麻煩到侍應姐姐要抹枱抹地，但佢都主動幫我地添飲品，街坊麵店真係好有人情味啊！