茶木‧台式休閒餐廳 (Closed)

一個晚餐嘅時間，又想食正餐同時又想食甜品，但係一次過又放唔到咁多嘢食落個肚，點算好??? 還好我有個好朋友任憑我擺佈，哈哈... 所以話呢，被遷就的人永遠是最幸福的，My Dear 多謝你啦~Lee 間係食台灣菜，樣樣都試下咁啦！”凱撒沙拉”：先食個清清地，唔怕肥嘅沙律先，聽說專家話先食菜後食肉係無咁肥㗎，嗯... 信嘅就係真㗎啦！哈哈~”酥炸排骨麵”：一向最愛就係台灣嘅酥炸小食，Lee 間排骨炸得都好鬆化，唔會太油膩，又唔會硬，好好味，只係我最近太熱氣喇，好驚聽日喉嚨痛添！至於個湯底都幾好，麵質都好食。”鮮檸天葵梳打特飲”：個顏色好靚，味道好似有D怪怪地，但又幾特別，飲飲下又幾好咁，甜甜地，最低下有D抽子粒粒，整體味道有點複雜。”石板街朱古力蜜糖磚塊”：多士好脆好脆，好香口，加埋蜜糖一齊焗嘅多士，好似去BBQ燒嘅蜜糖多士一樣，佢更好食嘅原因係佢塊多士更加厚，加埋雪糕一起入口就超正，如果可以比多一球雪糕我就好啦！全晚焦點就係 Lee 個甜品到！好想再嚟多一份呀！如果可以，下次我一定食埋蠔仔粥啫，可惜今晚 Lee 個朋友係唔食蠔仔㗎！