潤一潤甜品屋

Open Now

Now Closed

潤一潤曾經係學生時期最常幫襯嘅糖水店。相隔咁耐無嚟，原來店舖擴建左，開埋旁邊嘅舖位。糖水都係大路野，最記得嘅係刨冰，所以都係叫返碗回味下。 $26四寶牛奶刨冰係抵食之選，配料有涼粉、椰果、紅豆加小丸子。配料俾得大方，食極都有。刨冰配練奶就至夾。刨冰好夠份量，兩個人食都夠。而且勁冰，要用羹係咁整碎先食到。夏日炎炎，食冰冰至啱。以咁嘅價錢，食到咁具份量嘅刨冰，係香港真係無嘜幾間做到。芒果小丸子個芒果汁甜左少少，幸好小丸子做得幾好，夠煙韌，而且細細粒，好好咬。配料仲有椰果，所以有不同嘅口感，而芒果亦夠哂甜。雖然未係最好食，款式亦平凡，但確係抵食。