Video
Read full review
2010-11-14
30 views
同老公專登大埔渣車去元朗食雞煲, 一心諗住去食開果間(大坑渠附近B仔隔離), 點知去到先知東主有喜休業一天, 本來都唔知有呢間存在, 都係上黎開飯搵先知, 呢間都唔難搵, 0係附近泊好架車就入去搵位。呢間入到去環境乾淨, 光猛, 坐滿都唔會好迫, (大坑渠果間就相反喇, 果間有好多蚊滋仔啦, 好迫啦, 地下好滑啦), 有電視睇啦, 門口出面仲有幾張枱, 我地去到都係7點幾, 所以唔多客, 得兩三枱, 我地9點左右食完走果陣坐滿哂架。睇睇餐牌, 同另外果間D野食都係咁上下款式, 問老闆娘先知, 兩間本來係一齊既, 後來變左獨立經營囉。我地都係叫返我地既例牌大香辣雞煲$138一隻雞+炸枝竹$13+菜(唔記得幾$)+白飯一碗, 老公仲加多碟鵝腸。等左一陣仔, 個煲就黎喇, 依然係咁香味四溢, 水準同另外果間無分別囉, 我地叫既係小辣, 中辣食唔掂啦, 一滾起即刻起筷啦。味道濃郁, 送飯一流, 一路睇住電視一路食, 兩個人食左個零鐘就搞掂左一隻雞喇, 不過我見D員工人手好似唔係幾夠, 得兩三個, 做到踢哂腳咁, 老闆娘都要走黎走去招呼客人, 有D客都會體諒既。 食完仲將D湯帶埋返屋企(自己帶左
, 本來都唔知有呢間存在, 都係上黎開飯搵先知, 呢間都唔難搵, 0係附近泊好架車就入去搵位。
呢間入到去環境乾淨, 光猛, 坐滿都唔會好迫, (大坑渠果間就相反喇, 果間有好多蚊滋仔啦, 好迫啦, 地下好滑啦), 有電視睇啦, 門口出面仲有幾張枱, 我地去到都係7點幾, 所以唔多客, 得兩三枱, 我地9點左右食完走果陣坐滿哂架。
睇睇餐牌, 同另外果間D野食都係咁上下款式, 問老闆娘先知, 兩間本來係一齊既, 後來變左獨立經營囉。
我地都係叫返我地既例牌大香辣雞煲$138一隻雞+炸枝竹$13+菜(唔記得幾$)+白飯一碗, 老公仲加多碟鵝腸。
等左一陣仔, 個煲就黎喇, 依然係咁香味四溢, 水準同另外果間無分別囉, 我地叫既係小辣, 中辣食唔掂啦, 一滾起即刻起筷啦。
味道濃郁, 送飯一流, 一路睇住電視一路食, 兩個人食左個零鐘就搞掂左一隻雞喇,
不過我見D員工人手好似唔係幾夠, 得兩三個, 做到踢哂腳咁, 老闆娘都要走黎走去招呼客人, 有D客都會體諒既。
食完仲將D湯帶埋返屋企(自己帶左個煲), 留返第二晚再食過。
連埋三罐汽水埋單二百幾蚊, OK抵食架!
我自己就覺得呢間既雞煲比大角咀果間"隨變"好食好多好多喇, 可能呢間偏僻左D啦, 所以無乜人留意囉, 但係咁好食既野, 無理由無人欣賞既, 所以我都忍唔住寫我第一個食評, 我同老公一個月都去兩三次架, 希望多D人欣賞啦!
Post
