風流居酒屋 (Closed)

永光中心日式料理餐廳林立，鍾意食日本菜的朋友或於銅鑼灣一帶上班的朋友，相信都會食過6樓呢間風流居酒屋。出電梯迎面素色系裝潢，和風恬靜感重。牆壁貼上日系畫；頂上繫上一連串旗子。燈光通透柔和，頗為舒服。午餐MENU一共6款，有鰻魚飯、吉列豬、海鮮天婦羅、魚、西京燒同埋牛排。花款各異，簡單直接，唔怕選擇困難。每個餐都配有小菜、沙律和味噌湯及飲品一杯。點了較為少見又特別的西京銀鱈魚($138)，和店鋪推介的浦燒鰻魚丼($128)，跟杯熱柚子茶同埋巨峰活乳酸梳打。待著的時候，發現這個鼓油瓶都幾靚，檯面設計也花了心思，麻質面，與牆身呼應，同一格調。前菜沙律和小食都到啦，開開胃先。主菜西京銀鱈魚，燒得光澤，肉身厚軟。筷子輕推銀雪魚，魚片便完整地分開。魚身入味甘甜香滑，啖啖蜜糖味特別討我歡心，簡單的配上日本米，已經足夠。一飯一餸一湯，間斷飲下味噌湯，食下湯中金菇，直接的滋味可口。另一主菜都上了。浦燒鰻魚丼，份量十足！而且重有享受三部曲添。第一，先嚐嚐浦燒鰻魚的原汁原味，肉質肥美，十分惹味。第二，可配上左邊三款的組合，增添鰻魚多樣味道。三款入面，我鍾意芝麻跟wasabi組合，減低鰻魚重膩感之餘，仲提高一