FRITES Belgium on Tap (海濱匯)

Open Now

Now Closed

以前食過佢其他分店，知道依間高質嘅西餐廳係牛頭角附近開咗，決定要去試吓有冇分別。Lunch set有唔少選擇，但我就揀咗最鍾意食嘅青口。前菜可以揀沙律或者番薯湯，我就揀咗番薯湯，佢加咗少少薑令到個湯有啲辣味，係幾特別，但係未必個個人都鍾意飲。青口份量好大碗，佢用咗自家製嘅白汁煮青口，加咗蕃茄同洋蔥等等嘅蔬菜，再將每隻青口點落啲白汁上面非常之夾。佢個白汁好味到我全部都飲晒。另外佢配左一塊麵包，麵包係有搽咗牛油用嚟煎過，用嚟點落啲白汁度食非常之好味。配菜仲有粗薯條，炸得非常之香，而且我鍾意粗薯條有薯仔味。整體份量非常之足夠，而且同之前其他食過嘅分店嘅水準都係一樣咁高，絕對會因為掛住個青口而再返黎。