Video
Read full review
2022-03-26
1311 views
近年，飲食圈多咗講咩無麩質、純素、生酮嘅食物，老實講，小弟呢份人食嘢唔算好無節制，但又唔算得好健康，不過，老婆喺偏素素食者，所以，食嘢就「被健康咗」。講到生酮，年幾前就到訪過西環嘅「Infiniti C」，算叫做接觸過生酮飲食。最近，就晌啲飲食雜誌睇過一篇介紹，介紹新開無耐嘅漢堡包店「the Engine」，所以，趁過到嚟奧海城，就過一過利奧坊嘅「the Engine」，買啲外賣返屋企當午餐！當睇篇介紹，唔喺啲生酮包吸引我，反而喺對嗰個以金文畢芝士做包身嘅漢堡好大興趣，因為小弟一向都幾喜歡食芝士，自問未算芝士控，但確實覺得呢款漢堡好有亮點！此外，就算其他漢堡、小食都好特別。至於生酮咩意思，文章都有概略介紹，小弟都唔再多講。其實，從店面，已睇到店內嘅裝修好型格，一室以閃閃爧嘅銀色為主調，左邊組裝咗一個飛機引擎嘅噴射鍋輪，配合番餐廳名字，中間點餐及取餐嘅位置，睇嚟似引擎嘅外殼，又帶有少少科幻感。雖然，餐廳就主打做外賣，但右邊角落旁都有張小枱，叫做堂食都可以。點餐除直接晌櫃枱點餐之外，亦可以晌一邊嘅大屏幕自助點餐。除主打嘅6款漢堡之外，仲有沙律、椰菜花飯、低碳薄餅、小食及多款低碳飲品。凡點選
當睇篇介紹，唔喺啲生酮包吸引我，反而喺對嗰個以金文畢芝士做包身嘅漢堡好大興趣，因為小弟一向都幾喜歡食芝士，自問未算芝士控，但確實覺得呢款漢堡好有亮點！此外，就算其他漢堡、小食都好特別。至於生酮咩意思，文章都有概略介紹，小弟都唔再多講。
其實，從店面，已睇到店內嘅裝修好型格，一室以閃閃爧嘅銀色為主調，左邊組裝咗一個飛機引擎嘅噴射鍋輪，配合番餐廳名字，中間點餐及取餐嘅位置，睇嚟似引擎嘅外殼，又帶有少少科幻感。雖然，餐廳就主打做外賣，但右邊角落旁都有張小枱，叫做堂食都可以。
點餐除直接晌櫃枱點餐之外，亦可以晌一邊嘅大屏幕自助點餐。除主打嘅6款漢堡之外，仲有沙律、椰菜花飯、低碳薄餅、小食及多款低碳飲品。凡點選上述主食，都可以加$28轉為套餐，加配半份小食及低糖梳打，又或者只加$12，加配低糖梳打。
此外，亦有一張午餐餐牌，當中主要供應沙律及椰菜花飯，已包低糖梳打或是日餐湯，定價都喺$68-$88。總之都喺健康之選，所以，就算食漢堡、薯條，都可以喺「Comfort Food」！
之前食夏威夷蓋飯（Poke）時，都試過椰菜花飯，所以，今次就主力試其漢堡，另外，再加一份小食（因為未試過咩以天貝做薯條）以及兩「罐」梳打。
天貝薯條 $38老實講，問我「天貝」喺乜？小弟真喺唔識，上網查原本喺嚟自印尼一啲利用黃豆跟天貝菌發酵而成嘅食物，外表似一塊餅，切開似鳥結糖，實實哋，硬硬哋，但由於喺豆製品，就好有營養。入口就無一般薯條咁脆法，但似喺加咗好多芝麻、奇亞籽之類，寧舍有咬口，而且，非常之香，亦無乜油膩感。
煙三文魚牛油果生酮漢堡 $102我都估老婆揀呢一款健康漢堡，早前食薄餅又喺揀呢兩款食材做配搭。最獨特當然喺個生酮漢堡包身啦，外表比較粗糙，以為會好硬，又唔喺喎，當然唔叫軟熟，但就似食啲歐陸麥包，好有口感；包內除塗上牛油果醬，夾有煙三文魚之外，仲有生菜、青瓜、紫洋蔥、蕃茄、煙肉，所以，味道極之豐富，夠晒多元營養。
煙三文魚牛油果生酮漢堡
$102
32 views
0 likes
0 comments
都話睇過篇雜誌介紹，已鎮定試佢，嘩嘩嘩！未打開，拎上手已覺得斤兩十足，好墜手，打開包裝，上下兩大片作為包身嘅金文畢芝士真喺好堅，又烘得軟軟，口感柔軟，芝士味香濃唔會太霸道，不過，唔好睇小佢，食完個漢堡都幾滯吓。而個包裡面，仲夾有超厚身，卻好鬆化嘅手打牛肉，以及生菜、青瓜、蕃茄、煙肉同少少酸菜，食起嚟非常有驚喜，故此，呢個漢堡真喺好物有所值。
金文畢芝士牛肉漢堡
$118
13 views
0 likes
0 comments
原價就標$22，但夾埋個漢堡，就只收$12。個蜜桃烏龍茶唔似台式嗰種咁濃茶味，並且，由於做成梳打關係，口感會比較清爽啲，帶點點桃香；而後者椰青水梳打是新品，味道又幾清甜，同樣口感清爽，亦喺低糖，唔太甜，所以，兩者用嚟配漢堡包食效果幾唔錯。
希望疫情快啲過去，而晌呢段艱難時刻，確需要大家同舟共濟，一同渡過難關。做飲食行業嘅朋友，都捱得過呢個寒冬，明天會更好！
Post
