鴨大哥 (太古坊)

Open Now

Now Closed

女兒知我喜歡食片皮鴨，今日帶咗我去佢公司附近嗰間鴨大哥食晚餐，餐廳裝修雅緻，環境光猛寬落，座位舒適，主打的北京烤鴨，由米芝蓮名廚「廚魔」梁經倫主理。北京烤鴨半隻：廚師以乾式熟成方法處理鴨肉，讓鴨的脂肪滲透至肌肉內，令肉質變得柔軟、提升肉味，同時減少油膩感，再配合慢煮的方法，令鴨皮鬆脆、鴨肉又嫩又有肉汁，用薄餅夾埋配料，再加上烤鴨醬食，無論口感和味道都超正！雲南黑土豬叉燒：叉燒沾滿蜜汁色澤鮮明，肉質軟嫩帶甜味！桂花雪梨脆鱔球：上枱擺設精美，鱔球厚肉彈牙，外層脆口，沾滿有桂花香味嘅醬汁，又香又惹味。