Video
Read full review
2011-05-05
891 views
多年好友共聚的飯局，選址地點再交由小弟發辦話事，友人想在有限嘅Budget內食點特別的菜，但我又想去未到過的食店影相，突然記起逸東軒呢間米芝蓮一星食店，二話不說就決定訂位了...今次到灣仔鷹君中心嘅逸東軒，希望可以少一點人流多一分清靜，不過事與願違，當日食店中經常傳出蝗虫叫聲，國內同胞果然識飲識食。幸好呢度係典型酒店中菜廳格局，每張餐檯之間都有相當寬落嘅空間，感覺仍覺舒適。餐牌上有不少米芝蓮星級菜譜供選擇，每席價錢由四千幾至九千幾不等，不過一班朋友預算有限，散叫相比下更加划算。先來嘅係瑤柱帶子豆腐盞($128)係一款極老少咸宜嘅菜式，豆腐滑溜，帶子鮮味，豆粉茨落得唔重手，作為第一度菜算係好開始。接住上既係鳳巢香芋鵝肝千絲蝦($180)，雖然鵝肝味唔濃，但芋角夠晒香口，而千絲蝦外層一條條嘅麵線炸至金黃，外層入口鬆脆，蝦肉咬落彈牙爽口，水準之作。逸東一字骨($108)係呢度招牌菜之一，好味到我地前後叫左三碟，可見無令我地失望。肉質鬆化，肥瘦均勻，醬汁濃甜惹味，用來伴白飯就真係最好不過。如果仲嫌唔夠惹味，可以試下呢個砂窩薑蔥蜆芥牛根腩($108)，蜆芥鮮香俱備，配上薑蔥已經可以伴上一碗白飯，
今次到灣仔鷹君中心嘅逸東軒，希望可以少一點人流多一分清靜，不過事與願違，當日食店中經常傳出蝗虫叫聲，國內同胞果然識飲識食。幸好呢度係典型酒店中菜廳格局，每張餐檯之間都有相當寬落嘅空間，感覺仍覺舒適。餐牌上有不少米芝蓮星級菜譜供選擇，每席價錢由四千幾至九千幾不等，不過一班朋友預算有限，散叫相比下更加划算。
先來嘅係瑤柱帶子豆腐盞($128)係一款極老少咸宜嘅菜式，豆腐滑溜，帶子鮮味，豆粉茨落得唔重手，作為第一度菜算係好開始。接住上既係鳳巢香芋鵝肝千絲蝦($180)，雖然鵝肝味唔濃，但芋角夠晒香口，而千絲蝦外層一條條嘅麵線炸至金黃，外層入口鬆脆，蝦肉咬落彈牙爽口，水準之作。
逸東一字骨($108)係呢度招牌菜之一，好味到我地前後叫左三碟，可見無令我地失望。肉質鬆化，肥瘦均勻，醬汁濃甜惹味，用來伴白飯就真係最好不過。如果仲嫌唔夠惹味，可以試下呢個砂窩薑蔥蜆芥牛根腩($108)，蜆芥鮮香俱備，配上薑蔥已經可以伴上一碗白飯，加埋炆得又腍又入味，彈牙爽口嘅牛根腩，非常好味，而且亦估唔到呢間高檔中菜廳，可以煮出如此豪邁嘅一味小菜！
食過一豬一牛後，再來七味鹽燒羊鞍($102/五件)。羊鞍用上最簡單直接嘅鹽燒方法燒至半熟，成功將肉汁鎖緊而又保持嫩滑，咬落一貫羊肉羶香，口感爽中帶腍，味道唔錯。
食過三份肉類，都要食多少少菜溝貨，佛手津白蠔豉卷($98)將蠔豉肉粒用津白緊緊包裹著，外表咬落清新怡人，內裡蠔豉本身果種濃香鹹味跟津白互相輝映，非常精彩。至於另一味竹笙三寶蔬($108)平平穩穩，雖無突出之處，但食落都幾討人歡心，值得一提係呢度蔬菜都標榜用有機食材，但講真我分唔到有幾大分別，就我個人而言，有機兩字只係多賺你幾塊錢嘅一個借口。
來逸東軒前已得知，呢度嘅荷葉飯同埋馬拉糕都係值得一試，所以點菜時都刻意留一線。不過坦白講荷葉飯($110)有點失望，荷葉香氣不足，未能滲入飯粒中，而且配料唔多，以呢個價錢來講唔太抵食，當然以澱粉質打底為目標的話就總好過食白飯。而以馬拉糕($38)作今餐甜品終結就最合適不過，呢度嘅馬拉糕做得非常鬆軟，聞落夠香，香落夠甜，熱辣辣放人口，非常好味，而且價錢只係$38，物超所值！是日雖無點選米芝蓮星級菜式，但其他食物水準絕對無令大家失望，不過值唔值得摘下一粒星就真係見仁見智。或者你可能話今日米芝蓮可信性成疑，不過味道係好個人的，只要你覺得佢值得就已經足夠！問我意向如何？自己估下啦...哈哈！
Post
