麵屋一平安 (Closed)

星期五等到放工，同一個台灣來的好友聚一聚，去到銅鑼灣食個晚飯，再帶埋佢去睇維園花燈。係銅鑼灣想揾個靜少少地方，我每次都會黎呢到。想兩人share就可以試多d野，要咗個長崎拉麵, 鐵板豆腐, 串燒3串(規定三串起: 叫咗燒冬菇,牛肉包asparagus, 梅子雞肉) 野食未到就唯有食住d前菜頂住先,係三文魚但應該再料理過,好惹味，越食越餓!碗拉麵大碗豆夠我地兩個女仔食有突，濃湯足料好惹味！鐵板豆腐比較普通，冇特別，反而有d唔夠熱。串燒牛肉包住asparagus個個好好味，好清爽，梅子雞肉梅子味對我黎講太酸，唔係太喜歡，加上雞肉燒得有d太熟，肉唔夠嫩。呢到好好服務，侍應好細心又好熱情，雖然我地常請局地幫我們合照但都好好笑容，一d都無唔耐煩。隔離檯係兩位日本男士，有位日本的服務員就不時用日文對應佢地的要求，相信呢到都係好多日本人常幫襯嘅食店之一。