Video
Read full review
2017-03-17
2506 views
豪一豪食個lunch，在銅鑼灣返工想食好啲一啲都唔難，但係要食物質素好，有海景相伴，服務態度好，仲要係價錢合理，真係一D都唔容易！（蟹家，其實唔係第一次去，上次係食晚飯一人食咗大約＄400真係覺得有啲貴，再次幫襯因為佢嘅食物質素真係唔錯！）今次一行3個人，分別點了lunch set，(然後share試少少)先講雜錦刺身飯，顏色好靚而且食材刺身夠新鮮，有三文魚、青瓜、玉子等等，分量十足！我的是鰻魚飯，鰻魚肉厚有彈性，而且魚味濃，配搭嘅醬汁味道剛剛好!(飯同魚嘅份量比例亦恰到好處)這兩款均配以三款小吃（筍絲，熏魚及炸薯餅）另外仲有沙律丶麵豉湯同埋茶婉蒸（蒸蛋裏面有銀杏）蒸蛋夠滑口！另外一款是蟹肉炒飯（都附有沙律丶熏魚，麵豉湯同茶婉蒸），蟹肉份量正常(唔算少)，飯粒夠乾身，賣相都唔錯而且個味道好香！三款套餐仲會有餐飲（但凍飲只有薑啤丶汽水選擇較少）！我選擇了熱咖啡，味道香濃夠晒醒神，非常適合lunch 後仍要工作的我呢！Lunch價錢大約只係，晚飯的三份一價錢(當然沒有晚餐那麼豐富)以lunch來說，份量同食物質素，都係CP值高，值得推薦！
（蟹家，其實唔係第一次去，上次係食晚飯一人食咗大約＄400真係覺得有啲貴，再次幫襯因為佢嘅食物質素真係唔錯！）
今次一行3個人，分別點了lunch set，(然後share試少少)先講雜錦刺身飯，顏色好靚而且食材刺身夠新鮮，有三文魚、青瓜、玉子等等，分量十足！
我的是鰻魚飯，鰻魚肉厚有彈性，而且魚味濃，配搭嘅醬汁味道剛剛好!(飯同魚嘅份量比例亦恰到好處)
這兩款均配以三款小吃（筍絲，熏魚及炸薯餅）另外仲有沙律丶麵豉湯同埋茶婉蒸（蒸蛋裏面有銀杏）蒸蛋夠滑口！
另外一款是蟹肉炒飯（都附有沙律丶熏魚，麵豉湯同茶婉蒸），蟹肉份量正常(唔算少)，飯粒夠乾身，賣相都唔錯而且個味道好香！
三款套餐仲會有餐飲（但凍飲只有薑啤丶汽水選擇較少）！我選擇了熱咖啡，味道香濃夠晒醒神，非常適合lunch 後仍要工作的我呢！
Lunch價錢大約只係，晚飯的三份一價錢(當然沒有晚餐那麼豐富)以lunch來說，份量同食物質素，都係CP值高，值得推薦！
Post
