神戶食堂 空姐牛肉飯 (Closed)

黎到西九龍FOOD COURT, 對住成千上萬的舖頭都唔知食邊間好。响呢個時候, 最好打電話俾深水埗地膽細佬睇吓佢有乜建議先。細佬話可以試吓空姐牛肉飯。一聽之下覺得好奇怪, 諗極都諗唔明究竟係乜東東, 响六神無主唔知食乜的情況下又試吓啦。好啦, 終於搵到啦, 原來間嘢叫神戶食堂, 賣的係牛肉飯(似吉野家嗰D), 豬肉飯雞翼飯仲有少量小食。咁點解又叫空姐牛肉飯呢? 原來店主以前係空姐, 而家開舖賣嘢食。飯類只得三款, 但可以雙拼, 咁我當然要雙拼可以試多樣麻。牛肉係signature咁當然要試吓啦, 拼咗雞翼要多咗個芝士燒雞肉串燒, 加多罐汽水盛惠$52。有3隻雞翼都算係咁啦, 但略嫌咸咗d。至於牛肉份量偏少, 味道同吉野家差唔多, 但牛肉瘦d結實d。米是用珍珠米, 但覺得米身太笠, 食到一半已經覺得好溜。串燒雞有炭香, 但食落唔知係雞皮定肥膏, 反正就唔似肉。小店確實是需要支持的, 而且睇得出空姐有心機去做, 但這小店的確有需要進步的空間。講完嘢食講環境, 我知道這個set up不是各商戶可以控制的。但我真係諗唔明點解張櫈要整到斜咗?! 仲要係高櫈?! 搞到一路食一路會用腳去橕住, 一