泰燒遙 (Closed)

同一大班好朋友出黎食飯吹水，由友人安排地點，佢地選左呢間泰式餐廳，諗住可以又食下海鮮又食下其他肉類，最後都係原來諗得太多。餐廳環境好舒適，四周雖然好多檯客人已到，但附近空間仍然唔覺焗束，燈光柔和，侍應反應敏捷，畀人感覺非常好。當日我同柑太到左後，原來友人已到，期間店員不斷推介佢地既燒烤Bar，話好多海鮮都已經畀人訂左，如果想食就叫我地去預先留定，咁我地先去睇下佢地個Bar有乜咁巴閉，發覺種類雖多，但貝類亦有大扇貝同大聖子，魚類集中係大條既魚類，同大大隻既虎蝦，而且價錢都頗為嚇人，我地人未齊唔想亂點菜，結果只係先點左飲品，龍眼冰同椰汁冰都較淡口，比較出面唔少食群弱少少，而龍眼冰既龍眼分量亦較出面少。等等下，有朋友暫時加入，由於要遷就大家既口味程度，最後先決定叫左小食併盤，同埋叫左冬陰功湯，小食併盤，冬陰功唔係太辣，入口海鮮味同椰汁都唔係好夠，不過內裡材料充足，每人都分到一隻蝦，而份量亦多，六人飲完一輪，再可以多添兩三碗。小食併盤以蝦春卷最突出，入面有原隻小虎蝦，有咬口之餘仲有少少爽滑，而蝦餅亦見有蝦膠質感，串燒味道被厚燒汁味蓋過，而豬頸肉燒得較乾身，油膩感單薄。叫左個爆炸豬手，有少少驚喜