大助燒肉專門店

Open Now

Now Closed

在九龍城區居住，九龍城又出名多名店（食店），約朋友食聚，首選當然是九龍城區。今次試了大助燒肉，其實他於區內已很出名，是食日式燒肉的首選，當然要在我嘅食集歷程中經歷一番。有睇開我食評的朋友都知，油金魚腩是我的至愛（之一），來到日式料理，怎可缺少？咁這間油金魚腩刺身好唔好食？答案是：非常之肥美。又厚又肥，甘香的魚油和鮮甜爽口的魚肉，真係想一試再試，不但今次嘅主角係燒肉，油金魚便要適可而止。其實仲叫咗個燒蛋，但係落單嘅時候店小二就話未必會有，會去幫我哋去睇睇，於是我哋滿有期望咁樣去等待燒蛋，但係一直等都冇出現，於是便問一問店小二，她好有笑容、好有禮貌咁樣回應：師傅今日做嘅蛋已經賣晒啦，雖然有啲失望，但係店員有禮貌嘅回應我哋都係接受嘅。我們一行四人，先點了和牛宴二人餐雖說是2人餐，但每種肉也有四件或以上，我們4人分享，剛剛好。和牛宴也十分豐富，有和牛角切。和牛西冷，還有牛舌厚切，和牛小排，都十分美味。每份二人餐都有湯和飯團。自己慢慢燒，控制火候。大家見有4件飯團，我哋當然唔止叫咗個和牛宴啦，我哋仲叫咗個海鮮二人套餐，包括有大大隻嘅蜆，鮑魚仔、新鮮帶子、左口魚裙邊，同埋我最愛嘅鰻魚。四個人要食晒