Video
Read full review
2018-05-03
351 views
睇韓劇時見到有開心事就會一家人圍埋食燒肉, 都幾溫馨呀, 媽媽係韓劇粉絲, 有時對於呢D場境大叫........好想食呀!! 既然開到口, 做女嘅梗識做嘅....................一於同媽媽黎呢度黎個燒肉約會新潮韓式裝飾, 設有卡位坐得舒適, 配套設施有即棄圍裙, 密封膠袋比你入住手提電話, 以防油煙整污糟, 其實呢度嘅抽氣系統做得唔錯, 食完都唔覺一身燒肉味!未開始燒烤時, 一系列嘅前菜小碟當然唔少得, 喜歡佢嘅泡菜蘿蔔, 甜甜地好味呀, 侍應主動地不斷添加, 食得過癮! 仲有花花沙律菜, 配上胡麻汁好開胃呀!今餐食呢個沙冷Hea媽媽燒烤套餐 ($628/二人餐), 以木梯架作器皿嘅就係呢個燒烤拼盤, 食材包括 : 炑八厚切五花腩, 原切牛舌,韓國大蝦,霜降牛小排,黑毛豬豬背肉,春川鷄肉,特大啡菇鐵板夠熱啦, 仲唔起動?! 先燒原切牛舌及黑毛豬豬背肉媽媽唔太喜歡好熟, 燒唔太耐就食啦, 牛舌咁切法食起黎帶有嚼勁, 幾香牛舌味而黑毛豬豬背肉, 食起上黎無豬臭味, 反而帶點肉香味, 配上牛菜食又係唔錯嘅!霜降牛小排可剪成幾件先燒, 啖啖肉, 肉質嫩滑又多汁, 無論單食
一於同媽媽黎呢度黎個燒肉約會
新潮韓式裝飾, 設有卡位坐得舒適, 配套設施有即棄圍裙, 密封膠袋比你入住手提電話, 以防油煙整污糟, 其實呢度嘅抽氣系統做得唔錯, 食完都唔覺一身燒肉味!
未開始燒烤時, 一系列嘅前菜小碟當然唔少得, 喜歡佢嘅泡菜蘿蔔, 甜甜地好味呀, 侍應主動地不斷添加, 食得過癮! 仲有花花沙律菜, 配上胡麻汁好開胃呀!
14 views
0 likes
0 comments
今餐食呢個沙冷Hea媽媽燒烤套餐 ($628/二人餐), 以木梯架作器皿嘅就係呢個燒烤拼盤, 食材包括 : 炑八厚切五花腩, 原切牛舌,韓國大蝦,霜降牛小排,黑毛豬豬背肉,春川鷄肉,特大啡菇
沙冷Hea媽媽燒烤套餐
16 views
0 likes
0 comments
鐵板夠熱啦, 仲唔起動?! 先燒原切牛舌及黑毛豬豬背肉
媽媽唔太喜歡好熟, 燒唔太耐就食啦, 牛舌咁切法食起黎帶有嚼勁, 幾香牛舌味
牛舌
12 views
0 likes
0 comments
而黑毛豬豬背肉, 食起上黎無豬臭味, 反而帶點肉香味, 配上牛菜食又係唔錯嘅!
黑毛豬豬背肉
33 views
0 likes
0 comments
霜降牛小排可剪成幾件先燒, 啖啖肉, 肉質嫩滑又多汁, 無論單食或用生菜包住食都肉汁滿滿, 脂肪含量唔多, 媽媽放心食!
霜降牛小排
8 views
0 likes
0 comments
蝦蝦蝦..........果然係大蝦, 燒到蝦頭聞到香味, 轉至橙紅色就食得
蝦
8 views
0 likes
0 comments
蝦肉幾彈牙同幾有蝦味, 中間已去殼食時相當方便又快熟
套餐包兩杯梳打類飲品, 種類主打係生果系列
我地分別要左菠蘿及荔枝梳打, 兩杯份量滿滿, 絶對夠飲, 有菠蘿及荔枝果肉, 貨真價實, 飲落有香濃甜果味, 加上梳打嘅有氣感, 配燒肉好岩數呀!!
菠蘿及荔枝梳打
10 views
0 likes
0 comments
呢碟春川鷄肉咪睇佢好似好細碟, 其實份量都唔少
鷄件連皮一齊燒增加香味, 食時去皮健康D, 肉已調左味, 唔點任何醬汁都好夠味, 口感幾滑
春川鷄肉
4 views
0 likes
0 comments
火爐邊有芝士粟米及泡菜蛋, 前者相當"邪惡", 後者就單食都咁好味, 最開心又係可以任食
芝士粟米及泡菜蛋
22 views
0 likes
0 comments
呢幾片五花腩望落脂肪量相當嚇人
五花腩
14 views
0 likes
0 comments
但當燒烤時佢嘅油分其實已經"迫"左好多出黎, 切成薄片更加可以燒至脆香口感, 食落一D都唔覺肥膩, 反而有D似燒香嘅煙肉!
主菜有呢份韮菜大根煎餅, 又大又圓, 份量足夠多2個人食囉!
韮菜大根煎餅
15 views
0 likes
0 comments
滿滿嘅材料舖滿左成個煎餅, 中間部份比較厚身及軟腍, 喜歡食脆口嘅可以食邊位, 點埋個煎餅汁, 好味喎!
以花入饌嘅又點止開場嘅花花沙律, 仲有韓式花伴飯/初夏花冷麵 (二選一), 媽媽偏好飯類, 咁就要韓式花伴飯
韓式花伴飯
7 views
0 likes
0 comments
七彩顏色令人望到有開心感覺, 食材以蔬菜絲及菇絲作主打, 無肉架! 撈埋韓式辣醬就可食得
飯量唔少, 撈埋辣醬一齊食, 辣中帶少少酸, 加埋其他配料感覺幾清新又醒胃, 食用花帶少少甜味, 感覺幾得意!!
及早訂位, 仲有The Face Shop四式面膜送呀, 食完仲可以返屋企做返個面膜, 媽媽對於呢一餐表示相當滿意
Post
