咖啡空間

Open Now

Now Closed

寵物friendly既餐廳係市區內真係比較少見，之前有聽過朋友提過咖啡空間可以帶寵物已經好想黎，今日趁住下午黎附近工作就順著黎試一試。附餐會送上餐湯，當日係南瓜湯。南瓜湯口感幼滑香甜。自家製麻辣醬海鮮意粉意粉上充滿青口令鮮味更強烈。被麻辣醬染成深啡色既意粉入口帶一陣麻香，相當惹味。放一口意粉入口已經感受到強烈既麻辣味，先辣後帶一陣麻勁。意粉煙煙韌韌又吸滿晒麻辣醬既精華夠晒入味。意粉中帶少少洋蔥粒，當中既甜味平衡香辣感。Mocha咖啡同朱古力互相融和，先帶咖啡既甘香後有朱古力既甜味。藍莓醬芝士蛋糕芝士蛋糕軟綿帶一陣檸檬既清香令入口相對無咁甜膩，底下餅底香脆又充滿牛油香。酸酸甜甜既藍莓醬再配上芝士蛋糕好搭配，入口口感更綿密。