Video
Read full review
2019-10-09
52 views
呢間S2原來係轉左師傅，新來呢兩位師傅一直都係第二間餐廳一齊做拍檔，今次因為老闆嘅邀請，所以嚟到中環店坐鎮。嚟到呢度如果大家都同我一樣唔想用腦，可以叫師傅發板。今次我食咗👇🏽燒魔鬼魚邊Sea bass 刺身黑松露深海池魚 (魚腩部分)三文魚刺身配柚子胡椒拖羅紫菜卷露荀溏心卷南蠻炸雞燒白膳鮑魚雞翼拖羅卷物芝士蛋糕第一次食燒魔鬼魚邊，入口即溶嘅感覺好幸福，魚油好豐富，好咁就好似細個食魚肝油丸中間嗰啲魚油咁滑🤤拖羅紫菜卷中間包左一塊估佢唔到嘅❗紫蘇葉❗師傅仲好細心咁輕輕用手拍葉脈，令紫蘇葉特別嘅味道更加出！包保你哋喺出面食唔到呢個配搭💯露荀溏心卷又係師傅自創嘅拿手好菜，咪以為佢炸完之後會好老，師傅將每一條蘆筍都批咗外皮，務求比大家食到最細嫩嘅部分，雖然將三條蘆筍卷埋一齊再攞去炸，但咬落去好juicy，每一條蘆筍入面嘅汁都保留着，配埋明太子沙律醬有少少辣味好過癮🥦南蠻炸雞配上他他醬，酸may may咁非常開胃，最值得留意嘅係雖然雞係經過高溫油炸處理，但依然鎖住肉汁，好juicy好滑，而且亦都好香雞味🐣去到每一間日式鋪頭我都會嘗試試吓佢歌燒白膳，因為要燒得一條好食嘅鰻魚係好高技術！唔係講笑，咪睇
呢間S2原來係轉左師傅，新來呢兩位師傅一直都係第二間餐廳一齊做拍檔，今次因為老闆嘅邀請，所以嚟到中環店坐鎮。嚟到呢度如果大家都同我一樣唔想用腦，可以叫師傅發板。
今次我食咗👇🏽
燒魔鬼魚邊
Sea bass 刺身
黑松露深海池魚 (魚腩部分)
三文魚刺身配柚子胡椒
拖羅紫菜卷
露荀溏心卷
南蠻炸雞
燒白膳
鮑魚雞翼
拖羅卷物
芝士蛋糕
第一次食燒魔鬼魚邊，入口即溶嘅感覺好幸福，魚油好豐富，好咁就好似細個食魚肝油丸中間嗰啲魚油咁滑🤤
拖羅紫菜卷中間包左一塊估佢唔到嘅❗紫蘇葉❗師傅仲好細心咁輕輕用手拍葉脈，令紫蘇葉特別嘅味道更加出！包保你哋喺出面食唔到呢個配搭💯
露荀溏心卷又係師傅自創嘅拿手好菜，咪以為佢炸完之後會好老，師傅將每一條蘆筍都批咗外皮，務求比大家食到最細嫩嘅部分，雖然將三條蘆筍卷埋一齊再攞去炸，但咬落去好juicy，每一條蘆筍入面嘅汁都保留着，配埋明太子沙律醬有少少辣味好過癮🥦
南蠻炸雞配上他他醬，酸may may咁非常開胃，最值得留意嘅係雖然雞係經過高溫油炸處理，但依然鎖住肉汁，好juicy好滑，而且亦都好香雞味🐣
去到每一間日式鋪頭我都會嘗試試吓佢歌燒白膳，因為要燒得一條好食嘅鰻魚係好高技術！唔係講笑，咪睇佢哋地方細細，烤爐又細細咁，每一款串燒都好高質，白鱔可以做到皮超脆得黎但鱔肉唔乾身，但留意番白鱔本身好厚肉，所以要做齊咁多樣嘢但又要兼顧魚肉要全熟真係好高技術架！
推薦大家喺呢度一定要試吓老闆親自挑選嘅日本清酒，好多款都係日本攞獎嘅，入口純而不辣，好容易就會越飲越多🥴同埋老闆好好客，如果啱傾嘅佢仲會私人開sake同你歡談暢敘🍶
Post
