cookedDeli by city'super (Closed)

呢個food court黎食過，因為第一次食時覺得太正，所以再一次同我最愛黎食，但今次有少少失望首先，我們係食韓國野，每人一碗香辣牛肉麵，上一次食有兩個完整的韓國麵餅在一碗麵，而且個麵控制的時間係剛剛好，唔會好淋，食落彈牙，加上好多菜，湯底夠香辣，牛的份量ok 所以今次再食，但係今晚個麵份量一定冇兩個（我同男朋友立即想大叫還我麵餅），加上佢應該煮好左一段時間，一食落口已經少少淋，食到最尾碗麵直頭淋晒，菜依舊好多，湯底依舊香辣，牛稍為硬左少少，痴晒牙。另外仲有泡菜，我冇意見，因為本身我好憎泡菜，仲有兩舊飯團仔，佢係類似鹽油飯咁，再加上紫菜在面，我幾鐘意，但男朋友似乎一般。整體上同第一次食相比差左，但我會下次再食多次，睇下會不會有機場番番去第一次咁好食。