Moreish & Malt (鴻圖道) (Closed)

約朋友去觀塘食晚飯， 第二次到Moreish & Malt， 第一次係晚上來這類飲嘢， 今次終於可以試下這裏的食物。 兩個人點了兩個晚餐，燒美國牛隔膜肉扒 （200g) $188（ 是日餐湯或田園雜菜沙律， 慕絲蛋糕或雪糕， 飲品） 食完飯之後再坐低飲下野傾下偈點了兩杯啤酒～Hoegaarden (L) $86和Hoegaarden (S) $76。點了晚餐之後首先來了兩碗餐湯， 味道普通，飲完都唔記得影相。 然後到主菜燒美國牛隔膜肉扒，我點了五成熟， 燒得剛剛好， 牛肉味濃， 肉質軟硬適中。 粗身薯條很好味， 配菜有兩粒燒蕃茄， 份量很多。甜品我點了慕絲蛋糕， 朋友點了一杯雪糕， 慕絲蛋糕味道普通沒有特別。之後再叫兩杯Hoegaarden， 我比較喜歡飲這隻牌子的啤酒， 入口清新帶有香味。整體這間餐廳食物質素幾好， 是同朋友食飯飲酒傾計的好地方。