澳門台山水佬榮火鍋專家 (Closed)

今日慶祝聖誕節，同一班朋友黎到佐敦食最近好Hit的航母海鮮盛宴。我哋今次有五個人去食，被安排到5樓VIP房，裏面有獨立電視機，環境頗舒適。坐低後，服務員拎上有九種不同嘅調味料，最鍾意係芫荽任食。揀好配料後，我哋就等待主角出場。大約等左5分鐘，服務員拎咗航母海鮮盛宴出嚟，海鮮仲係生猛的，十分新鮮！海鮮嘅數量係根據人數黎決定嘅咁裏面就有帶子、八爪魚、鮑魚、象拔蚌、青口、蝦、蟹、蜆等。D海鮮好新鮮 ，上枱仲郁緊！我地等緊海鮮落湯時，叫了竹蔗茅根飲，自家製的吾會太甜。服務員拎左一煲麻辣湯底入黎，淨看湯的色澤就知辣度夠。蓋上鍋蓋後，等待十五分鐘左右先可以吃。服務人員好細心，不時會幫我地留意個鍋可以吃未。嘩，终於可以食，香辣味氛香撲鼻！我忍吾住先試一啖湯，湯底雖然辣但都有海鮮的鮮味，幾清甜。我先食隻蟹，十分大隻，而且每一隻仍用橡皮筋扎住，非常生猛。蟹肉十分結實，並非扮新鮮。而且鮑魚體積亦不細，正！享用航母海鮮盛宴會有一份肥牛同雜菜附送。肥牛脂肪分佈平均，蔬菜仍非常鮮綠。豆苗和娃娃菜好嫩，好甜。食完主菜，湯底最岩放麵可以吸收全部精華。最後，服務員送上小甜品。總括而言，航母海鮮盛宴性價比高，值得推介。