翡翠拉麵小籠包 (Closed)

今晚約咗朋友食飯，揀左大家都啱食嘅中菜。小食唔少得嘅當然係雞絲粉皮啦。青瓜同埋雞絲都切成條狀，同啲粉皮嘅口感好夾。呢度嘅花生醬汁比較稀，雖然味道係冇咁濃，但係都足夠成碟嘅食物沾滿汁，不錯。賣相非常吸引，配料都算多。但係如果齋撈個麵，食落去會有啲乾。如果配埋隔離碗清湯，味道就有啲似雲吞麵。。個湯可以令櫻花蝦嘅味道更加突出。小籠包嘅外皮望落有啲乾，但係裏面盛着嘅肉汁多到一隻羹都裝唔晒，可以互補不足。裏面嘅肉都幾彈牙，所以呢度嘅小籠包都唔差。但係碗擔擔麵就稍為遜色咗啲。佢冇花生味，只得辣味，仲要係非常辣嗰隻，蓋過哂其他味道。所以大家嚟可以嗌下其他食物啊～呢碟都有啲失望，宮保雞丁應該辣嘅，但呢碟又反而唔辣。醬汁似食緊咕嚕肉咁，雞唔夠多而且無乜肉，無特別又唔太出色。反而賽螃蟹同埋韭黃炒鱔糊就幾不錯。賽螃蟹唔會煮到收哂水，但同時又唔會好油。蛋白夠滑，用嚟送飯一流。韭黃非常香亦新鮮，鱔糊味道唔咸唔腥，整道菜都好好味👍🏼推薦大家嗌呢個最後就係金華火腿津白。非常欣賞佢地將啲津白切成一片片，唔會食得好辛苦。而且非常入味，自己非常鐘意飲上湯，所以呢道菜好味～整體而言，無論環境同埋食物都適合嚟同朋友聚會，而且