真味鮮廚

Open Now

Now Closed

當晚同一班朋友用餐，眼見全場都只有我地呢檯叫蒸海鮮，心諗質素唔知好唔好。海鮮開始送黎，有龍蝦，蜆、鮑魚、蝦、雞、另外因為呢個係四人餐既關係，所以額外添加多個馬拉糕同埋聖子。開始逐樣逐樣蒸，最深刻印象就係個龍蝦同埋蟶子，鮑魚就韌咗啲，好難切開嚟食。整體海鮮都好新鮮，係蜆嗰度有幾粒仔蒸完兩轉都係唔開口，就要求侍應更換，餐廳都好好，肯更換俾我哋。全場侍應係唔夠人手，所以初初有個侍應好好，話肯幫我哋蒸海鮮，但係最後都冇再返嚟幫我哋，但係我哋都明白嘅。到最後，食最精華嘅粥底。由生米開始煮到尾，有江瑤柱粒同埋好似淮山碎嘅嘢。所以個粥底係非常非常之鮮甜好味，每人都分到3碗。