夏雪 (Closed)

人數：2時間：晚上8時訂枱：沒有放工想食甜品，於是去了夏雪。差不多8點到，幸好不用等位，不過店內都差不多坐滿了。點了紫薯窩夫、紫薯特飲同埋Apple Crumble。見到旁邊食客食緊個綠茶窩夫都好似好好食，不過紫薯好似比較特別D。 紫薯特飲－好似milkshake，但又唔會太甜太「杰」，「薯」味不重但食到一粒粒紫薯，口感好好。好飲呀！紫薯窩夫 – 除了窩夫重有個豆腐雪糕同密瓜，其實我覺得個密瓜有D唔夾。不過個豆腐雪糕同埋夾咗紫薯蓉嘅窩夫係幾好食。Apple Crumble – 唔記得影相，不過對比起紫薯窩夫，個Apple Crumble就比較一般，而且個牛奶雪糕有D膩，都係配傳統Vanilla雪糕好味D。 坐到9點外面已經開始有人排隊，於是就埋單走了。