老夫子餐館 (Closed)

今晚同老夫子有個約會！7點零鐘黎到，已經有唔少人係門口排隊，好彩好快有得入座。職員仲派貼紙俾等待既小朋友，可惜我唔係，拎唔到晚餐唔算貴，套餐七八十蚊有交易，仲有兒童餐，最重要係免加一！！👍🏻👍🏻炒雜菜有椰菜、蕃茄、西椒、荷包豆、木耳同洋蔥。炒得幾好，唔會好咸，好鮮甜，爽口。瑞士雞翼下載個app做會員就免費送！！瑞士汁好入味，甜甜地，雞翼大只，好嫩滑，好好味！炸雞粒炸到好香口，脆卜卜！什扒鐵板燒有煙肉、豬扒、牛扒、腸仔同雞扒。選左蒜蓉汁，夠濃味。豬扒牛扒雞扒好稔，夠大塊。葉過黎，入味。鐵板燒可選意粉、飯或薯菜。意粉幾大碟，軟硬度ok，不過乾身左啲，多啲蒜蓉汁更好，可以拎黎撈下。烤羊扒即叫即烤，所以要等半個鐘到，不過物有所值！上枱時香噴噴！焦焦地既香味，正！時間控制得剛好，肉剛好熟，好嫩滑！食落有陣陣既羊羶味，好好食！回味無窮！yummy yummy!!西洋菜蜜餐具有特色，漫畫情節返晒黎！好有特色既餐廳，價錢一啲都唔貴，仲免收加一，食物質素唔錯，會再黎，都會推介俾朋友！