閨蜜x沐牧農場 (Closed)

與閨蜜見面，當然想搵個地方飲下野，食下小食，邊飲邊食邊傾計。見到呢間舖頭，就比佢嘅名吸引到，所以約埋閨蜜一齊去試下。用光管整成嘅招牌，好有香港特色，而且顏色柔和唔刺眼，忍唔住要係門口打卡。入去落ORDER時，老闆娘好Nice，推介幾款茶嘅特色，感覺到老闆娘好用心。今次點左閨蜜玫瑰奶蓋鐵觀音、新鮮水果紅茶、朱古力法包吐司、椰香奶酥法包吐司。閨蜜玫瑰奶蓋鐵觀音 $25呢杯係好閨蜜點嘅，我即時呷幾啖試試味。奶蓋上面有一片片嘅玫瑰花瓣，奶蓋加左海鹽味，入口軟綿綿，帶有少少鹹味，口感豐富。而底層嘅茶，無茶澀味，只有茶香味，鐵觀音配上淡淡嘅玫瑰香，入口好清新。聽老闆娘講，原來D茶葉返黎之後，唔係直接沖茶，佢會先溝，溝出岩香港人口味嘅味道，先用黎沖茶，真係好細心又好用心呀﹗﹗﹗新鮮水果紅茶 $25一杯好吸引人眼球嘅水果茶﹐用上時令水果，邊款生果新鮮就用邊款，所以今次有橙、藍莓、西瓜、士多啤梨、青檸、蘋果，下次再叫同一杯茶時，D生果係唔一樣。配搭嘅飲管有一個小叉，可以拮生果食。茶底好Fresh，唔澀，亦唔會太甜，係咁熱嘅天氣飲一杯冰凍水果茶，感覺好涼快。朱古力法包吐司 + 椰香奶酥法包吐司 $10呢到