Video
Read full review
2008-12-10
48 views
一路以為翠園有點心車…特登黎飲茶架…仲book埋枱添!!點知去到佢話點心車果邊full晒…安排左我地去另一邊, (哈哈其實呢邊係靚d既講真, 平時食晚飯都鐘意坐呢邊多d)不過下次如果要坐點心車果邊呢,,睇黎要book果陣講埋呀*翠園食晚飯就食得多, 飲茶真係第一次幾個月無黎, 轉左花花杯碟wo, 幾靚=]鮑魚撻: 鮑魚腍度剛好,不過個撻皮好甜=.=帶子芋蓉酥: 帶子好薄, 味道普通, 可以不叫蒜香鮮蝦春卷: 好脆幾好味, 整到咁幼係咪抄小肥羊架haha海皇卷: 原來係腸粉包蝦春卷…好味,不過好似重複左…但呢個蝦蝦當然大隻d啦蝦餃: 好味!! 皮薄, 蝦蝦好爽燒賣: 唔錯, 蝦蝦爽, 豬肉滑懷舊灌湯餃: 平時食果d都係浸湯餃…連利苑都係浸湯餃…今次係期待已久既真正灌湯餃!!!叫左4隻…點知黎到已經穿左3隻…好失望…得返一隻係漲卜卜哇哈哈哈哈我食左漲卜卜果隻!!!好味!!!皮好薄, 湯好清=]菜膽鮮竹卷: 好好味!!!個湯好清甜, 卷入面好多冬菇粒好香上湯煎粉果: 一放落黎已經係凍既-.-皮唔夠脆同埋好油, 入面得好少harm, 湯好淡千祈唔好叫呀大家!!!古法金錢雞: 退步左好多好多!!
點知去到佢話點心車果邊full晒…安排左我地去另一邊,
(哈哈其實呢邊係靚d既講真, 平時食晚飯都鐘意坐呢邊多d)
不過下次如果要坐點心車果邊呢,,睇黎要book果陣講埋呀*
翠園食晚飯就食得多, 飲茶真係第一次
幾個月無黎, 轉左花花杯碟wo, 幾靚=]
鮑魚撻: 鮑魚腍度剛好,不過個撻皮好甜=.=
帶子芋蓉酥: 帶子好薄, 味道普通, 可以不叫
蒜香鮮蝦春卷: 好脆幾好味, 整到咁幼係咪抄小肥羊架haha
海皇卷: 原來係腸粉包蝦春卷…好味,不過好似重複左…但呢個蝦蝦當然大隻d啦
蝦餃: 好味!! 皮薄, 蝦蝦好爽
燒賣: 唔錯, 蝦蝦爽, 豬肉滑
懷舊灌湯餃:
平時食果d都係浸湯餃…連利苑都係浸湯餃…
今次係期待已久既真正灌湯餃!!!
叫左4隻…點知黎到已經穿左3隻…好失望…得返一隻係漲卜卜
哇哈哈哈哈我食左漲卜卜果隻!!!好味!!!皮好薄, 湯好清=]
菜膽鮮竹卷:
好好味!!!個湯好清甜, 卷入面好多冬菇粒好香
上湯煎粉果:
一放落黎已經係凍既-.-皮唔夠脆同埋好油, 入面得好少harm, 湯好淡
千祈唔好叫呀大家!!!
古法金錢雞:
退步左好多好多!!!以前好好味架蘇施黃都大讚架!!!
叉燒太瘦, 調味怪怪地
肥膏太薄, 唔仔細睇係絕對睇唔到 亦食唔出,
雞肝好乾, 主要係因為無左層肥膏中和佢既乾…失敗
最後叫左2個甜品>>>
脆麻花: 好好味呀=]
食過好多間既蛋散, 始終都係翠園最好味!!!最鬆脆!!!
3式甜品拼盤
松子仁南瓜果: 最好味係呢個不過好油, 好香花生味, 南瓜應該係得個樣架姐無味
意大利菠蘿酥: 救命 好難食!!! 個味超級怪 =.=
豆沙香蕉酥: 普普通通…熱d會好食d既應該
早知叫佢個紅豆雙皮奶, 以前黎親都叫架好好味架!!!
其實翠園飲茶都唔錯呀,,大部份點心都幾好食, 杯茶又好飲
仲有服務好好, 連傳菜嬸嬸都好有禮貌=]
哈哈一定會再黎飲茶的, 希望下次個灌湯餃唔好穿xDD
Post
