牛霸小麵店 (Closed)

灣仔雖然係舊區，但正正因為舊樓多，地舖至容易多食肆，今次就介紹一間位於後巷，隱世既台灣菜。正值係Lunch hour都好多上班族👨‍💼係度等位，都要等大約5-10分鐘至入得。呢間舖既落單程序都幾方便，係要自己用QR code 落order，同朋友食飯唔洗幾個人一齊share個餐牌。我要讚一讚呢個肉燥麵，整得幾好味！👍🏻👍🏻鹽酥雞大小適中，一兩啖就食完！另外，佢個外皮都炸得脆，雖然同豪大大比，無咁重口味，但都香，以台式餐廳嚟講算唔差！佢個麵對我嚟講都幾有驚喜，肉粒都多，都幾有味，而個肉燥醬食落麵幾溫和，我都唔知點形容好😅，可能呢D就係台灣人口中既「古早味」。將成碗麵撈勻哂後，麵食落都唔太腍，青瓜較有口感🥰，而成個醬食落暖暖地咁，有種好岩冬天食既感覺😂😂！ 係灣仔試到一D高質同算優惠既午餐，我覺得CP值都高，嚟開灣仔可以試試👍🏻！不過午市可能比較忙，可能會漏單嗯！