莉苑 (德輔道西) (Closed)

今朝工作悶悶地, 中午唔想係公司附近食, 想行遠D, 順便散散心。搭丁丁向西出發。過左西區警署見到有間窩貼, 就落車。好狹窄的舖頭, 全場應該得10幾個座位。坐低叫左碗酸辣湯麵呢碗碗酸辣湯麵係我幾年前係荃灣仁濟醫院對面(護士學校隔籬)食過之外, 最差勁的!豬肚雪味極重! 又切到極長..... 其它配料只記得有炸豬皮、土耳絲。辣度係足夠, 但醋係咪用錯款式? 呢種酸, 有點怪。3元/隻窩貼。第1隻咬落去饀料太乾。第2隻好D。第3隻一咬成口油! 而且3隻都有個共通點, 就係皮太乾, 仲有D凍! 依家好少地方可以食到咁既質素既窩貼!!! 雖然我好支持小店, 說話通常都留幾分。但呢間, 唔會再幫襯。