The Grove (Closed)

假日揀咗一個比較少去嘅地區🗺，去咗土瓜灣發掘美食同行街。舊區入邊重建新樓，亦都為該區帶來新餐廳新氣象🏘。喺新樓盤樓下嘅小商場，雖然大部份舖位都仍然待租，都有幾間睇落唔錯嘅餐廳。其中一間就係食台灣菜，本身想試用街市磅裝住嘅小食拼盤🍖，睇餐牌好似冇咗。餐廳一直播住周杰倫最好聽嗰段時期嘅舊歌🎙，青春都返晒嚟。————————————————👅 招牌阿Roy牛肉麵（$58）👍🏻 平時台灣菜嘅辣度都搔不到癢處，今次紅油幾辣下🌶，紅燒湯有啲藥材甜味，四塊半筋半肉，口感似牛𦟌，加上彈牙粗麵，食呢碗麵有爽到👅 鹽酥雞肉燥飯（$63）👍🏻 一碗有5件鹽酥雞，雞肉有醃過，炸熟後灑上胡椒鹽，特別有夜市嘅感覺🌃，配搭甜肉燥撈飯，完食無難度👅 宜蘭蔥肉餡餅（$28）👉🏻 每件約桌球大小🎱，呢個價就唔抵食，餡略少都有湯汁，沾醬係蒜頭醋———————————————— 🚩總結：舊區新店新衝擊———————————————— 🌟注意：設加一服務費，星期六日不提供套餐————————————————📍 The Grove地址：土瓜灣馬頭圍道63號啟岸巷子地下26-27號舖.🗺地區：#bem土瓜灣📥分類：#bem台灣菜💰