BriKetenia (Closed)

尋日約咗朋友食飯聚舊，本來選址觀塘只係諗住方便佢放工，意想不到呢間餐廳嘅表現完全不遜色於中上環嘅西餐廳。位於一商廈大堂內則，店內環境清靜，簡約整潔嘅裝修加上半開放式廚房，同外面工廈林立嘅感覺迵然不同。餐廳走Fine Dining 路線，由食物、餐具、莊重嚴謹的嘅服務帶我地融入西式飲食文化。未食頭盤先試下個麵包盤，令我覺得特別嘅係麵包盤另外配上芝士條，酥趣之餘點上配製醬，都幾醒胃。頭盤叫咗青口同鵝肝焦糖燉蛋，青口都幾新鮮，無平時出面一陣冰鮮味，處理得宜。而燉蛋係我地成晚覺得最驚喜嘅部分，焦糖燉蛋一向係法國菜一道受歡迎嘅甜品，係頭盤出現有一種新鮮感。而呢間食店嘅將鵝肝混入燉蛋，口感首先由奶嫩嘅燉蛋同蛋面嘅焦糖味，轉為香醇濃郁嘅鵝肝味，最後係餘香下享受喺口個一小片焦糖。主菜叫左M6級和牛肉眼排同時令鮮魚。我份牛排肉汁鎖得好出色，切個陣唔留意真係會浪費咗。牛肉味好濃郁，配上奶油薯仔都無膩嘅情況佢叫嘅青魚唔係食左好多，但魚皮同魚肉中間有一塊薄薄嘅魚脂，香口得黎彈牙。雖然上面好似唔係食咗好多野，不過其實十分飽肚。甜品要下次再同佢食了。食得好食嘅嘢所有工作嘅壓力真係一掃而空。呢間餐廳真係好值得再黎。