Video
Read full review
2021-05-05
108 views
是日放假 瞓到黃朝百晏打算延續懶洋洋嘅格調去渡過假期而最近又有鋪癮去探索自己居住嘅舊區美食於是嚟到美景街一間主打輕食同埋all day breakfast嘅小店黎食個brunch~小店裝修係行型格工業風，水泥牆配合木製枱櫈、每張枱上面都有一樽花作裝飾，營造到簡約舒適嘅環境！再加上閒日&呢個鐘數，入到嚟只有我一個客，聽住餐廳背景我住嘅輕音樂，一坐低已經覺得好relaxing~住咗喺土瓜灣廿幾30年，都冇零過呢啲咁chill嘅小店🤭🤭揀咗個all day breakfast B，再加杯凍嘅美式咖啡（跟餐半價，只需$14蚊）呢份ADB 即叫即整，大約都係等15分鐘左右包一份芝士粟米吞拿魚飛碟三文治🥪，沙律菜+千島醬，炒蛋，蘑菇，同埋德國腸呢個份量 價錢都只不過係$75 好抵食！個飛碟三文治由於係即整，上碟仲係熱辣辣首先餡料十足，芝士可以拉到絲而麵包軟熟、飛碟邊亦有脆感沙律菜新鮮，炒蛋亦係滑蛋，德國腸亦有𠝹花盡顯心思，非常高質！呢杯Iced Americano亦都出色！咖啡☕️非常香，飲落去好舒服，有回甘，完全冇苦澀味，所以根本唔需要加奶加糖！整份ADB 絕對比得上中上環價錢過百嘅cafe，食物
打算延續懶洋洋嘅格調去渡過假期
而最近又有鋪癮去探索自己居住嘅舊區美食
於是嚟到美景街一間主打輕食同埋all day breakfast嘅小店黎食個brunch~
小店裝修係行型格工業風，水泥牆配合木製枱櫈、每張枱上面都有一樽花作裝飾，營造到簡約舒適嘅環境！再加上閒日&呢個鐘數，入到嚟只有我一個客，聽住餐廳背景我住嘅輕音樂，一坐低已經覺得好relaxing~
住咗喺土瓜灣廿幾30年，都冇零過呢啲咁chill嘅小店🤭🤭
揀咗個all day breakfast B，再加杯凍嘅美式咖啡（跟餐半價，只需$14蚊）
呢份ADB 即叫即整，大約都係等15分鐘左右
包一份芝士粟米吞拿魚飛碟三文治🥪，
沙律菜+千島醬，炒蛋，蘑菇，同埋德國腸
呢個份量 價錢都只不過係$75 好抵食！
個飛碟三文治由於係即整，上碟仲係熱辣辣
首先餡料十足，芝士可以拉到絲
而麵包軟熟、飛碟邊亦有脆感
沙律菜新鮮，炒蛋亦係滑蛋，德國腸亦有𠝹花盡顯心思，非常高質！
呢杯Iced Americano亦都出色！
咖啡☕️非常香，飲落去好舒服，有回甘，完全冇苦澀味，所以根本唔需要加奶加糖！
整份ADB 絕對比得上中上環價錢過百嘅cafe，食物質素有過之而無不及！咁當然因為始終喺舊區入邊，內部裝修同景觀一定比唔上中上環，但平心而論環境舒適程度亦唔差！
p.s. 冇專登去問佢哋， 但我估計呢間高質小店係由呢兩母女打理嘅～#食在土瓜灣
#支持小店
Post
