Video
Read full review
2015-11-08
826 views
大大話話已經有成幾年無黎喇，雖然住得好近呢度，但由於店仔位置好細，總會有d唔好意思坐咁耐既感覺，嗰次黎係夜晚，開曬d燈咁，中國風特濃，今日專登簡日頭黎，想話避開曬d繁忙時間，想悠閒舒服咁歎返下。凍榛子朱古力38好冰凍，陣陣既榛子香係成杯飲品度，夠朱味，加賣cream令成杯飲品好幼滑，飲杯凍朱又係展開美麗的一天！黑松露醬意式薄餅配火箭菜巴馬火腿126Pizza共有八塊，焗得剛好，個底夠曬薄，好似食梗餅干咁，咁先係薄餅嘛，哈！今日好彩無好憎恨既火箭菜，餐廳用左其他沙律菜代替，配了些少香醋汁。另外，有我喜歡既松露醬做主打，所以點上。火腿份量唔多，但做pizza少少就夠，足以襯托出pizza既脆味！黑松露樣子討好，係種高級既感覺黎，作為普通一個lunch黎講，好丰富！薄餅仲有唔少菇菌，加上cheese，十分match，好滋味！全日早餐98聽住店員係度煮煮煮，蒸氣聲好近，未黎都覺得新鮮滾熱辣呀，材料幾丰富，有d香草味既炒旦，雞旦做得好嫩滑。仲有例牌既茄汁焗豆，脆多士，蕃茄仔，同菇菌沙律菜等。不會太肉，做得幾均衡！補差價22轉飲了原價50既草莓香蕉沙冰超大的一杯呀，超值！！樣子好美豔，粉紅誘惑！沙
大大話話已經有成幾年無黎喇，雖然住得好近呢度，但由於店仔位置好細，總會有d唔好意思坐咁耐既感覺，嗰次黎係夜晚，開曬d燈咁，中國風特濃，今日專登簡日頭黎，想話避開曬d繁忙時間，想悠閒舒服咁歎返下。
凍榛子朱古力38
好冰凍，陣陣既榛子香係成杯飲品度，夠朱味，加賣cream令成杯飲品好幼滑，飲杯凍朱又係展開美麗的一天！
黑松露醬意式薄餅配火箭菜巴馬火腿126
Pizza共有八塊，焗得剛好，個底夠曬薄，好似食梗餅干咁，咁先係薄餅嘛，哈！今日好彩無好憎恨既火箭菜，餐廳用左其他沙律菜代替，配了些少香醋汁。另外，有我喜歡既松露醬做主打，所以點上。火腿份量唔多，但做pizza少少就夠，足以襯托出pizza既脆味！黑松露樣子討好，係種高級既感覺黎，作為普通一個lunch黎講，好丰富！薄餅仲有唔少菇菌，加上cheese，十分match，好滋味！
全日早餐98
聽住店員係度煮煮煮，蒸氣聲好近，未黎都覺得新鮮滾熱辣呀，材料幾丰富，有d香草味既炒旦，雞旦做得好嫩滑。仲有例牌既茄汁焗豆，脆多士，蕃茄仔，同菇菌沙律菜等。不會太肉，做得幾均衡！
補差價22轉飲了原價50既草莓香蕉沙冰
超大的一杯呀，超值！！樣子好美豔，粉紅誘惑！沙冰夠曬凍哎，用上新鮮香蕉同士多啤梨打成，所以完全不甜膩，比那些甜奶昔好得多，好天然既味道，啱曬pink lady 飲啦！飲完一杯，凍到我牙痛，哈，一定係我有敏感牙齒啦！！！
焗煙燻德國火腿牛角包配欖油什菜沙律58
齋睇賣相，牛角包焗到燶左，好滿意佢既cheese已完全溶化，火腿都同樣熱烘烘，但大蕃茄就有點太熟！可惜包係意外失手之作。幸好拌菜沙律粟米做得不錯，份量挺多，而且製作都無馬虎，加左黑胡椒調味，達標！
時間尚早，覺得男職員好犀利，樓面大廚一腳踢，訓練有素，好有效率！
Post
