Video
Read full review
2010-07-02
15 views
五年前巳開始去外野手食放題，佢當時D食物、價錢同服務都令我好滿意， 刺身會用刺身船上，見到就好開心一D都唔似係食放題，所以雖然位置唔係咁就我，都會成日同家人或朋友去食不過兩年前開始覺得佢D水準下降，除左刺身外，爐端燒、炸物同料理D選擇越嚟越少，而且品質同服務亦差了，所以就算舊年搬左嚟觀塘都無幫襯過。最近知道佢地有假日午市放題，$128一位，食物同晚市一樣，可以由12點食到3點，所以一於舊地重遊約埋朋友再試一次。一行四人早了約8分鐘到，但見到門口掛住營業中的牌，於是行入去，原來係未開市的，好彩可以係入口的長櫈坐住等。(我以前試過食6PM，早左15分鐘佢地都會安排入座同奉上熱茶，仲可以俾我早D落單添)夠鐘入坐喇，只有我地一枱，好似包場咁，都幾好喎！見時間都好足夠，所以落左刺身同壽司先，雖然得我地一枱，但都要等左差不多15分鐘先有刺身嚟，係用碟上的，賣相當然無以前刺身船咁吸引，但份量都好足夠，好新鮮唔會好有雪味！朋友話佢地出菜咁慢，都係落埋其他熟食先！再過幾分鐘先有壽司到，都幾耐吓喎！仲要係我地2張壽司單夾埋落左10款，只係嚟左5樣，以為其他後上，點知再坐一會，熟食D食物都出了(相比刺身同壽
一行四人早了約8分鐘到，但見到門口掛住營業中的牌，於是行入去，原來係未開市的，好彩可以係入口的長櫈坐住等。(我以前試過食6PM，早左15分鐘佢地都會安排入座同奉上熱茶，仲可以俾我早D落單添)
夠鐘入坐喇，只有我地一枱，好似包場咁，都幾好喎！見時間都好足夠，所以落左刺身同壽司先，雖然得我地一枱，但都要等左差不多15分鐘先有刺身嚟，係用碟上的，賣相當然無以前刺身船咁吸引，但份量都好足夠，好新鮮唔會好有雪味！朋友話佢地出菜咁慢，都係落埋其他熟食先！再過幾分鐘先有壽司到，都幾耐吓喎！仲要係我地2張壽司單夾埋落左10款，只係嚟左5樣，以為其他後上，點知再坐一會，熟食D食物都出了(相比刺身同壽司算好快)，一問之下原本無左張單，只係做我地一枱都咁真係要扣分之後都先後落過四次壽司，但每次都會漏，包括直接同侍應落單(咁做係想做個測試)，一客風之谷、一客火焰天使。15分鐘巳過，我地不停討論那位壽司師傅仔係咪唔知點整呢？終於等到風之谷到了，但火焰天使唔知去左邊！於是揾人跟吓，聽到背後師傅仔話點解咁多野漏架，哈哈！我地都想知喎！總括而言，除左壽司成日漏單之外，其他落的食物都算跟足，食物方面，用呢個價錢食到咁多刺身同壽司款都係滿意的，但熟食就真係太少選擇，亦沒有甚麼特色。任飲只有三款罐庒美連達汽水(橙汁、提子汁同青蘋果)，呢方面同松屋比似乎小家左D。
而人客方面，我地入座後大概半小時候才開始有其他人入坐，但都只係得三、四枱，而且都係食散餐的，去到大槪1:15PM先有另一枱一家三口入座(坐我地隔離枱)食放題！
可推介的食物︰
刺身︰三文魚、油甘魚、甜蝦、
壽司︰火焰三文魚
爐端燒︰燒箥籮、燒粟米、汁燒牛舌
Post
